H&M ndryshon madhësinë e veshjeve pas ankesave të konsumatorëve

Një zemërim i klientëve për madhësinë e rrobave të grave, ka bërë kompaninë e njohur “H&M” të ndryshojë madhësinë e rrobave për gra dhe të i prodhojë ato në madhësitë e standardit të grave në Britani të Madhe.

“Ne jemi duke ndërmarrë hapat për të ndryshuar matjet tona të grave për të qenë në përputhje me madhësinë e Britanisë së Madhe, për shembull, matjet e mëparshme dhe përshtatshmëria e një madhësie 12 tani do të jenë matjet e një madhësie 10”, tha një zëdhënës i kompanisë, raporton “The Guardian”.

Politika ekzistuese e përmasave ka frustruar shumë blerës si Rebecca Parker, që ishte ankuar. “Unë kam qenë gjithmonë një 12/14 dhe i kënaqur me të, por kur provova në xhinse, isha e mërzitur, e nxehtë dhe e frustruar. Xhinset nuk janë bërë në mënyrë të qartë për një grua që është një madhësi 14. Pse ndodh kjo?”, pyeti ajo.

Ajo vazhdoi të pyeste se si shitësi mund të shiste produkte me mbishkrimin #GRLPOWER” dhe bluza që thonin “SISTERHOOD” dhe presin që gratë të ndjehen të fuqizuar, duke shitur rrobat që “bëjnë pikërisht të kundërtën”, i bëjnë të ndihen ato keq.

Kompania suedeze deri tani ka përkthyer madhësitë e saj evropiane në një madhësi më të ulët në Mbretërinë e Bashkuar sesa shumica e dyqaneve të tjera, duke nënkuptuar se një evropian 38 do të etiketohej me një madhësi britanike 12, në vend që të ishte 10.

Kompania ka premtuar se gradualisht do të përmirësojë madhësitë e produkteve të saja për Britaninë derisa ky ndryshim është mirëpritur nga konsumatorët.

Kaçaniku në pritje të ujit

by Qëndresë Mustafa
NA NDIQNI

Send this to a friend