Feronikeli fiton Kupën, Prishtina fiton Europën
Feronikeli e ka fituar Kupën e Kosovës duke e mposhtur me rezultat të thellë 5:1 Trepçën ‘89.
Ndeshjen Feronikeli e nisi mirë pasi kaloi në epërsi pas 15 minutave me Astrit Fazliun.
Në minutën e 26’ Mendurim Hoti e dyfishoi epërsinë.
Pjesa e parë u mbyll me rezultatin 2:0 për Feronikelin.
Në pjesën e dytë, ekipi nga Drenasi i shënoi edhe tre gola.
Albutrint Morina shënoi në minutën e 66’ për 3:0.
Kastriot Rexha e katërfishoi epërsinë në minutën e 70’.
Trepça ‘89 e shënoi golin e vetëm në këtë ndeshje në minutën e 73’ me Ardian Mujen.
Për rezultatin përfundimtar u përkujdes Kastriot Rexha në minutën e 90+2’.
Feronikeli e fiton Kupën e Kosovës për herë të tretë në histori të klubit.
Kjo fitore i bën nder Prishtinës e cila do të marrë pjesë në fazën e parakualifikimeve në Europa League nga vendi i dytë.