El Clasico pas 11 viteve, pa Messin e Ronaldon
Data 28 tetor në këtë vit do të jetë e veçantë, pasi përballja më e madhe në futboll do të luhet prej orës 16:45 ndërmjet Barcelonës dhe Real Madridit.
Por, kjo ndeshje do të jetë më ndryshe kësaj radhe, pasi nuk do të jenë prezent dy lojëtarët më të mirë të historisë së futbollit, Lionel Messi dhe Crisitiano Ronaldo.
El Clasico, për herë të parë pas 11-viteve do të luhet pa Ronaldon dhe Messin në fushën e lojës.
Për këtë sezon u bë e ditur me 10 korrik 2018-të se fituesi pesfishtë i “Topit të Artë”, Cristiano Ronaldo ishte transferuar tek skuadra e Juventusit për shifrën e 105 milionë eurove. Transferimi i portugezit në Juventus e zbehi pak këtë përballje.
Ndërsa me lëndimin e Lionel Messit në ndeshjen e 20 tetorit ndaj Sevillas u bë e ditur, se ndeshja më e madhe në botën e futbollit ndërmjet Barcës dhe Realit do të luhet pa Ronaldon e Messin.
El Clasico e fundit pa prezencen e Ronaldos ose Messit ishte përballja e dhjetorit të vitit 2007-të, ku kishte fituar Real Madridi me rezultat 1-0, ku kishte shënuar sulmuesi Julio Baptista.
KALLXO.com, iu sjell përballjet, statistikat e ndeshjeve, fitoreve, humbjet, titujt, Topat e Artë të fituar nga të dy ekipet e gjithçka tjetër në këtë analizë.
TOTALI I NDESHJEVE, FITOREVE DHE BARAZIMEVE
Në total përballje 236
Barcelona ka fituar 92 ndeshje
Real Madridi ka fituar 95 ndeshje
Ndërsa kanë barazuar 59 herë
PËRBALLJET NË HISTORI TË LA LIGAS
Ndeshje gjithësej: 174
Real Madridi ka fituar: 72 ndeshje
Barcelona i ka fituar 70 ndeshje
Ndërsa kanë barazuar : 34 ndeshje
LOJTARI ME MË SË SHUMTI PARAQITJE
Lojëtari me më së shumti paraqitje në histori të El Clasicos ka qenë Manolo Sanchis, i cili ka luajtur për Real Madridin prej sezonit 1965-1971. Ai kishte luajtur plotë 43 El Clasico. Sanchis ka vdekur në moshën 79.
TOP GOLASHËNUESI
Golashënuesi më i mirë është Lionel Messi me 26 gola, gjashtë më shumë se legjenda e Realit Alfredo Di Stefano. Cristiano Ronaldo kishte shënuar 18 gola.
MË SË SHUMTI ASISTIME
Më së shumti asistime në El Clasico ka Lionel Messi, plotë 14 të tillë.
FITORJA MË E THELLË
Fitoren më të thellë në histori të El Clasicos e ka bërë Real Madridi në vitin 1943 në kuadër të “Copa del Rey”, me rezultat 11-1.
DUELI I FUNDIT
Takimi i fundit ndërmjet këtyre dy ekipeve ishtë në gusht në kuadër të La Ligas, ku përfundoi me rezultatin e barabartë 2:2.
TROFE INDIVIDUAL
Tek trofetë individual, prin Barcelona me 11 Topa të Artë, ndërsa Real Madridi e ka një pak 10, por këtë vit ka mundësi t’i barazoj nëse e fiton Luka Modric.
Garat | Real Madridi | Barcelona |
La Liga | 33 | 25 |
Copa del Rey | 19 | 30 |
Supercopa e Spanjës | 10 | 12 |
Liga e Kampionëve | 12 | 5 |
UEFA Super Cup | 4 | 5 |
Club World Cup | 3 | 3 |
Totali | 81 | 78 |
Pas nëntë xhirove të zhvilluara në sezonin 2018/19-të, Barcelona kryeson vendin e parë me plotë 18 pikë. Ndërsa Real Madridi është duke kaluar në një formë të dobët ku gjendet në vendin e shtatë me vetëm 14 pikë dhe ka katër ndeshje pa fituar, ku fitoren do ta kërkon të dielen ndaj rivalit të përbetuar Barcelonës.