Drita afër transferimit të sulmuesit të Shkëndijes

Ekipi gjilanas i futbollit, Drita, e cila brenda dy ditëve ka prezantuar Ilir Blakçorin dhe Hamdi Namanin nga skuadra e Llapit, është afër për ta bërë edhe një transfer tjetër në kuadër të përgatitjes së ekipit për sezonin e ri futbollistik.

KALLXO.com merr vesh se gjilanasit tashmë janë afër për të arritur marrëveshje me sulmuesin e skuadrës tetovare, Shkëndijes, Izair Eminin.

Shkëndija është kampione aktuale e elitës së futbollit në Maqedoninë e Veriut ndërsa Emini është pjesë e kësaj skuadre qe dy sezone.

Emini është njëri prej sulmuesve më të mirë në qarkullim dhe pritet të prezantohet brenda pak ditëve te Drita.

Më herët, Emini ka qenë pjesë e skuadrës së Kukësit në kampionatin shqiptar.