Coronavirusi - Këshilla se si të mbroni shëndetin tuaj mendor

Coronavirusi e ka zhytur botën në pasiguri dhe lajmet e vazhdueshme në lidhje me pandeminë mund të ndjehen të pamëshirshme, shkruan BBC.

E gjithë kjo po vë në pah shëndetin mendor të njerëzve, veçanërisht ato që tashmë jetojnë me kushte si ankthi dhe çrregullimi obsesiv-kompulsiv (OCD).

Pra, si mund ta mbrojmë shëndetin tonë mendor?

Të qenit i shqetësuar për lajmet është e kuptueshme, por për shumë njerëz mund t’i përkeqësojë problemet ekzistuese të shëndetit mendor.

Kur Organizata Botërore e Shëndetësisë lëshoi ​​këshilla për mbrojtjen e shëndetit tuaj mendor gjatë shpërthimit të coronavirusit, ajo u mirëprit në mediat sociale.

Siç shpjegon Nicky Lidbetter në Angli, frika për të qenë jashtë kontrollit dhe të paaftë për të toleruar pasigurinë janë karakteristika të zakonshme të shumë çrregullimeve të ankthit.

Pra, është e kuptueshme që shumë individë me ankth para-ekzistues po përballen me sfida për momentin.

“Një ankth i madh është i rrënjosur në shqetësimin për të panjohurën dhe duke pritur që diçka të ndodhë – koronavirusi është ai në një shkallë makro,” pajtohet Rosie Weatherley, zëdhënëse e bamirësisë së shëndetit mendor Mind.

Këto janë disa nga këshillat si t’u qaseni zhvillimeve rreth coronavirusit, për ta mbrotjur shëndetin mendor:

1. Kufizoni lajmet dhe kini kujdes çfarë lexoni
2. Bëni pushime nga mediat sociale dhe ndalni njoftimet që janë nxitëse
3. Lani duart – por jo tepër
4. Qëndro i lidhur me njerëzit
5. Shmangni lodhjen e tepërt (burnout)