Trajneri i Kombëtares së Kosovës në futboll, Bernard Challandes, Foto: FFK

Challandes: Si u ngrit Kosova në futboll (VIDEO)

Shtëpia më e madhe e futbollit, UEFA, tani ka zgjedhur trajnerin e Kosovës, Bernard Challandes, për intervistë, pas Hekuran Kryeziut e Benjamin Kolollit.

Challandes në këtë intervistë ka folur për periudhën kur e mori përsipër drejtimin e kombëtares së Kosovës e deri në periudhën e tanishme se si u ngrit Kosova në futboll.

Ai po ashtu ka folur edhe për parashikimet e tij për ndeshjet kualifikuese për Euro 2020.

“Nga njëra anë, jam i kënaqur, sepse jam i ngazëllyer që do të luajmë kundër ekipeve më të forta, me reputacion më të mirë: Anglia, Republika Çeke, Bullgaria. Këto janë vende të forta të futbollit, të njohura në të gjithë Evropën dhe jam i lumtur që Kosova do të luajë në të njëjtin nivel me këto skuadra. Njëkohësisht, jam i vetëdijshëm se, me suksesin që kemi pasur deri më tani, Federata, tifozët në përgjithësi, ose mediat, janë duke u marrë seriozisht me këtë. Kjo është diçka që vlen edhe për lojtarët, unë shpresoj se nuk do të ndodhë në të ardhmen e afërt por ne duhet të mësohemi edhe të humbasim, dhe të marrim veten përsëri më pas dhe të merremi me pikat e dobëta. Gjërat kanë qenë shumë të mira deri më tani për Kosovën. Tani ne jemi ngjitur në një divizion në Ligën e Kombeve dhe ne duhet të merremi me këtë dhe të bëjmë më të mirën”, ka thënë ndër të tjera Challandes në këtë intervistë.

Për më shumë ndiqeni intervistën e plotë në videon e mëposhtme:

 

www.kallxo.com