Foto: Barcelona/Twitter
Barcelona e mposht Realin në ‘Santiago Bernabeu’ (Foto)
27.2.2019 - 23:01
Barcelona e ka mposhtur Real Madridin në ‘Santiago Bernabeu’ me rezultat 3-0, në ndeshjen kthyese të gjysmëfinales së ‘Copa del Rey’.
Ndeshja e parë e zhvilluar në ‘Camp Nou’ kishte përfunduar me rezultat 1-1.
Pjesa e parë përfundoi pa gola, por me një lojë më të mirë nga ana e vendasve ku fati nuk ishte me ta, pasi kishin disa raste shënimi për gol të cilat i humbën.
Pjesa e dytë i takoi në tërësi katalunasve.
Luis Suarez e kaloi Barcen në epërsi në minutën e 50’ pas një asistimi të bukur nga Dembele.
Blaugranët e dyfishuan epërsinë me autogolin e Varanes në minutën e 69’.
Për rezultatin përfundimtar u përkujdes Suarez në minutën e 73’ nga penalltia.