Foto: Atletico Madrid
Atletico Madrid kalon në çerekfinale të Kupës së Mbretit (Foto)
05.12.2018 - 22:02
Atletico Madridi ka kaluar në çerekfinale të Kupës së Mbretit, pas fitores së thellë ndaj Sant Andreu, me rezultat prej 4-0, dhe me rezultat të përgjithshëm prej të dy ndeshjeve prej 5-0.
Pjesa e parë përfundoi pa gola edhe pse Atletico e dominoi pjesën e parë me shtatë goditje, por vetëm një ishte brenda portës.
Ndërsa pjesa e dytë i takoi komplet ekipit të Simeones.
Për golin e parë u përkujdes Thomas Lemar në minutën e 48’, pas asistimit të Saul Niguez.
Golin e dytë e shënoi kroati Nikola Kalinic në minutën e 53’.
Vetëm pas dy minutave Angel Correa e trefishoi epërsinë pas asistimit të Thomas Lemar.
E për rezultatin përfundimtar u përkujdes Vitolo në minutën e 81’.