Arsenal ka shënuar një fitore të rëndësishme ndaj Watfordit vendas, me rezultat 1-0, në kuadër të xhiros së 34-të në Premierligë.

Arsenali u rikthye te fitorja në këtë xhiro, pasi në xhiron e kaluar ishte mposhtur nga Evertoni.

“Topçinjtë” e nisën ndeshjen furishëm duke kaluar në epërsi në minutën e 10’ me Aubameyangin, e që doli të ishte edhe goli vendimtar i ndeshjes.

Vendasit prej minutës së 11’ mbetën me një lojtar më pak, pasi Deeney u ndëshkua me karton të kuq.

Pas kësaj fitoreje Arsenal ngritet në vendin e katërt me 66 pikë.

Ndeshjen e ardhshme luan si vendas ndaj Crystal Palace.