Foto: RTV 21

76 Vjeçja në Siberi që kryen punët me patina

76-vjeçarja Lyubov Morekhodova nga Siberia nuk është një pensioniste e zakonshme.

Pavarësisht nga mosha e saj e shtyrë, ajo arriti jo vetëm të mbijetonte në mot të ftohtë, por gjithashtu fitoi vëmendjen për aftësitë e saj në patinazh.

Lyubov ka mësuar patinazhin në moshën 7-vjeçare dhe tani ajo kalon ditët e saj të daljes në pension nëpër liqenin më të thellë në botë – Baikal.

Ajo jeton në një shtëpi modeste dhe kujdeset për kafshët e saj: qentë, macet, pulat, lopët dhe demat.

Ajo zgjohet në orën 5:30 për të ushqyer lopët dhe për t’i lënë të kullosin në një kodër.

Çdo ditë, për të shkurtuar distancën, ajo vendos patinat e saj të bëra në vitin 1943 dhe kalon nëpër liqen për të siguruar që lopët të mos humbasin, transmeton rtv21.tv.

Që kur burri i saj vdiq në vitin 2011 Lyubov jeton vetëm, por ajo nuk është e vetmuar.

Gjatë verës nipërit dhe mbesat e saj vijnë për ta vizituar.

Edhe pse familja e saj e inkurajoi këtë grua të moshuar e të patrembur për t’u zhvendosur në qytet, ajo insistoi të qëndronte sepse pretendon se është e lumtur dhe e përmbushur që jeton në mes të Siberisë./21Media