Votimet për balotazhin 2017 - Foto: Atdhe Mulla

Ndërron Rezultati në Istog, Prinë LDK me 75 Vota

Nga votat e numëruara prej kopjeve të skanuara të formularëve të rezultateve për zgjedhjet për kryetar të Komunës së Istogut, në 63 vendvotime, të cilat KQZ i ka publikuar, del që ka ndërrim rezultati në favor të kandidatit të LDK-së për 75 vota.

Sipas këtyre formularëve, Haki Rugova i LDK-së ka marrë  9 mijë e 901 vota, ndërsa Gani Dreshaj i AAK-së  9 mijë e 826 vota.

Rrjedhimisht diferenca në favor të Haki Rugovës është për 75 vota.

Dje rezultatet e numërimit preliminar nxjerrin fitues me 52 vota diferencë Gani Dreshajn e AAK-së.

Sipas KQZ-së, numërimi i votave përmes postës; votave me kusht dhe votave të personave me nevoja të veçanta, pritet të bëhet gjatë ditës së sotme në Qendrën e Numërimit dhe Rezultateve.

http://kallxo.com/rezultati-zyrtar-i-istogut/

Ndryshe, qytetarët e komunës së Istogut votuan dje për kryetarin e tyre.

Në garë ishin Haki Rugova dhe Gani Dreshaj i AAK-së.

Votimi i djeshëm është përsëritje e balotazhit të 19 nëntorit.

Në votimet e rrethit të parë, Rugova e Dreshaj kishin marrë më së shumti vota, por jo të mjaftueshme sa për të fituar zgjedhjet e 22 tetorit.

http://kallxo.com/te-burgosurit-dhe-zarfet-vendosin-per-istogun/