Selim Pacolli dhe Muhedin Nushi, Foto: KALLXO.com
Muhedin Nushi emërohet nënkryetar i Komunës së Prishtinës
23.6.2018 - 17:45
Kryetari i Komunës së Prishtinës, Shpend Ahmeti përmes një postimi në Facebook ka njoftuar se drejtori i Administratës Publike në Komunën e Prishtinës, Muhedin Nushi do të emërohet nënkryetari i Komunës, pasi që dje ka hyrë në fuqi Ligji për Prishtinën.
“Dje ka hy në fuqi ligji për Prishtinën. Pjesë të ndryshme do të zbatohen sipas planeve që do t`i dakordojmë bashkë me ministrinë. Drejtori reformator i Administrës, Muhedin Nushi është emëruar nënkryetar i Komunes tonë. Suksese Muhedin!”, ka shkruar Ahmeti në Facebook.
Me ligjin e ri të kryeqytetit, kjo komunë do t`i ketë dy nënkryetar. Selim Pacolli nga sot e ka koleg edhe Muhedin Nushin.