Mjetet me të Cilat u Sulmua Kuvendi

Derisa Hashim Thaçi po e mbante fjalimin pas betimit si President, disa aktivistë të “Vetëvendosjes” sulmuan me gurë dhe mjete tjera ndërtesën e Kuvendit të Kosovës.

Një xham i sallës ku Thaçi po bënte betimin dhe po lexonte fjalimin inaugurues si President u thye.

Zëdhënësja e Policisë për Rajonin e Prishtinës Florie Ahmeti konfirmoi për KALLXO.com arrestimin e dy aktivistëve të “Vetëvendosjes”- Egzon Balajt dhe Atdhe Arifit për gjuajtjet me mjete të forta drejt Kuvendit.

Gjuajtjen me gurë drejt ndërtesës së Kuvendit gjatë kohës kur Thaçi po mbante fjalimin pas betimit për President, zëdhënësi i “Vetëvendosjes” Frashër Krasniqi e quajti aksion simbolik, kur foli për KALLXO.com.

“Sot aktivistët tanë realizuan një aksion simbolik kundër zgjedhjes së tij. Si rezultat i këtij aksioni u arrestuan dy aktivistë të Lëvizjes Vetëvendosje”, Egzon Balaj dhe Atdhe Arifi.

Sipas Krasniqit për VV-në Thaçi nuk do të jetë asnjëherë President.

Edhe AAK-ja dje në mbrëmje shpërndau nëpër qytetet e Kosovës posterë kundër zgjedhjes së Thaçit President.

http://kallxo.com/opozita-bojkoton-betimin-glamuroz-te-thacit/