Ministri Reagon Pas Vdekjes së Punëtorit

Ministri i Infrastrukturës Pal Lekaj ngushëlloi sot familjen e punëtorit të vdekur në mëngjes në punishten e Bechtel- Enkas.

“Ne i shprehim ngushëllimet tona familjes së të ndjerit dhe po ashtu do të jemi afër tyre”, shkroi Lekaj në Facebook.

Ministri bëri të ditur se do ta takohet sot për të diskutuar në lidhje me këtë vdekje me përfaqësues të Bechtel-Enkas.

“Jemi në kontakt me drejtorin e projektit dhe kompaninë mbikëqyrëse dhe shpejt do të kemi edhe një takim me të njëjtit për këtë çështje”, shkroi më tutje Lekaj.

Lekaj tha se me rrethanat e vdekjes do të merren policia dhe hetuesia.

“Tani e tutje janë organet përgjegjëse të policisë dhe organet tjera të hetuesisë që do të merren në këtë çështje, se pse dhe si ka ndodhë ky rast”, përfundoi Lekaj.

KALLXO.com shkroi sot për vdekjen e një punëtori në punishten e Autostradës “Arbën Xhaferi”.