Ministri: I vetmi shpëtim i Telekomit është privatizimi (VIDEO)

Siç tashmë dihet, gjendja e Telekomit të Kosovës nuk është aspak e kënaqshme, e këtë e deklaron edhe ministri Lluka.

Sipas tij i vetmi shpëtim i Telekomit është privatizimi, dhe asnjë formë tjetër, shkruan rtv21.tv.

Numri i punëtorëve, përgjegjësia që ka Telekomi, si dhe ndikimi i vazhdueshëm politik sipas Llukës e bëjnë të paevitueshëm edhe falimentimin e kësaj ndërmarrjeje.

Lluka shton se privatizimi do ta hapte perspektivën jo vetëm për punëtorët e Telekomit, por edhe të përmirësonte kualitetin e shërbimeve si dhe numrin e tyre.

Lluka bën të ditur se duhet të bëhet privatizimi i një pjese të madhe të Telekomit, pasi në planet shtetërore është që Kosova të mbetet aksionare, diku prej 25% deri në 49%, pasi sipas Llukës këto aksione do të kenë më shumë vlerë sesa vlera totale e Telekomit momentalisht.

 

15 Mars 2019 - 22:52

21Media 15/03/2019 - 22:52
NDËRVEPRIMI0
Prishtina Insight
NA NDIQNI

Send this to a friend