Ministri i Mjedisit kërkon angazhim më të madh nga Kompanitë Regjionale të Mbeturinave

Ministri i Mjedisit dhe Planifikimit Hapësinor, Fatmir Matoshi, është takuar me anëtarët e Pamkos-it, shoqatë kjo në kuadër të së cilës hyjnë KRM “ Pastrimi”- Prishtinë, KRM “Ambienti”- Pejë, KRM “ Ekoregjioni”- Prizren, KRM “ Çabrati”- Gjakovë, KRM “Ecohigjiena”- Gjilan, KRM “Pastërtia”- Ferizaj dhe KRM “Uniteti” – Mitrovicë.

Siç bëhet e ditur përmes një komunikate për media, ata kanë diskutuar për sfidat që kanë kompanitë regjionale të mbeturinat si ato teknike ashtu edhe ligjore, dhe zgjedhjen e tyre përmes institucioneve të Republikës së Kosovës.

“ Kompanitë që ju drejtoni janë të rëndësishme për ministrinë që e drejtoj dhe vendin tonë. E di që keni sfida dhe bashkërisht do të mundohemi që t’i tejkalojmë. Për t’i kaluar këto sfida, unë propozoj ta bëjmë një grup punues të përbashkët dhe t’i hedhim në letër gjitha kërkesat tuaja”, tha ministri Matoshi.

I pari i MMPH-së, po ashtu kërkoi nga përfaqësuesit e Kompanive Regjionale të Mbeturinave që t’i evidentojnë dhe raportojnë keqpërdoruesit dhe të japin gjoba mandatore për ata që hedhin mbeturina në vende të palejuara.

Ministri Matoshi, tutje ka folur për veprimet që janë ndërmarrë në menaxhimin e mbeturinave nga MMPH-ja.

“ Ne e kemi pasur aksionin ‘Ta pastrojmë Kosovën’, i cili aksion ka pasur qëllim që të arrihet një vetëdijesim tek qytetarëve për hedhje të mbeturinave në vende të palejueshme dhe besoj që ja kemi arritur. Si ministri e kemi një grand prej 7 milion euro, ku 3.5 janë nga MMPH-ja dhe 3.5 nga GIZ-i Gjerman për menaxhim të mbeturinave.  Po ashtu tash së fundmi kemi ndarë kontejner për komuna. Kemi pasur po ashtu edhe një grant nga JICA Japoneze për shpërndarje të kamionëve”, tregoi ministri Matoshi.

Sipas njoftimit, ministri Matoshi tregoi se MMPH-ja është në proces të procedurave ligjore të Strategjisë për Menaxhim të Mbeturina si dhe ka miratuar Udhëzimin për Gjoba Mandatore që do t’i kontribuoj një mjedisi pa mbeturina.

Në anën tjetër, anëtarët e Pamkos-it, gjatë këtij takimi kanë treguar për sfidat që hasin Kompanitë Regjionale të Mbeturinave të Republikës së Kosovës, duke filluar borxhet e akumuluara, mungesa e pajisjeve të reja për grumbullim të mbeturinave, kamata e ndëshkimit nga ATK-ja, deponitë ilegale dhe sfidat në menaxhimin e mbeturinave.

 

 

 

13 Maj 2019 - 15:43

Xheneta Murtezaj 13/05/2019 - 15:43
NDËRVEPRIMI0
Prishtina Insight
NA NDIQNI

Send this to a friend