Ilustrim
Malishevasi rrahë nënën për para
10.1.2019 - 14:34
Prokuroria e Gjakovës ka kërkuar 30 ditë paraburgim për L.M. nga Malisheva nën dyshimin se ka sulmuar fizikisht nënën e tij.
Sipas njoftimit të prokurorisë L.M. dyshohet se ka kryer veprën penale të lëndimit të lehtë truporë.
“I pandehuri i ka kërkuar para nënës së tij e pasi që e njëjta nuk kishte para për ti dhënë, ai së pari ka filluar të thyejë gjëra në shtëpi dhe pastaj e ka goditur të dëmtuarën, duke i shkaktuar lëndime të lehta trupore “thuhet në njoftimin e prokurorisë së Gjakovës.
I njëjti sqaron se për sulmuesin është kërkuar paraburgim prej 30 ditësh.