Lluka: Privatizimi i Telekomit mund të bëhet në fillim të vitit 2020
18.5.2019 - 09:29
I ftuar në emisionin “Argument Plus” ishte ministri i zhvillimit ekonomik, Valdrin Lluka.
Privatizimi i Telekomit të Kosovës ka qenë një temë e bujshme për një kohë të gjatë.
Sipas ministrit Lluka rreth 6 muaj do të marrë kohë periudha e ristrukturimit, e tenderi për kontraktimin e ekspertëve ka dalë para një muaji.
Pas 6 muajve, diku rreth fundit të vitit përgatitet pjesa e privatizimit dhe tenderimit, thekson Lluka, duke shtuar se në fund të vitit do të dalë tenderi i hapur dhe ftesa për kompanitë e ndryshme.
Ministri beson se deri në muajin prill të vitit 2020, do të duhej të ekzistonte ofertuesi i preferuar për Telekomin e Kosovës./21Media