Lirohet Polici i Arrestuar Para pak Ditësh

Prokuroria e Prishtinës nuk ka kërkuar masën e paraburgimit për zyrtarin policor, i arrestuar të premten, nën dyshimin për keqpërdorim të pozitës zyrtare dhe armëmbajtje pa leje.

Lajmin për KALLXO.com e konfirmoi kryeprokurori i Prokurorisë Themelore të Prishtinës, Imer Beka.

“Të dyshuarit me inicialet A.I. të premten i është caktuar masa e ndalimit për 48 orë, por më pas me vendim të Prokurorisë i njëjti është liruar në procedurë të rregullt”, ka thënë për KALLXO.com kryeprokurori Beka.

“Zyrtari policor me inicialet A.I. është liruar në procedurë të rregullt, derisa me propozimin e IPK- së ai është suspenduar. Procedura e hetimit vazhdon më tutje”, shtoi Beka.

Zyrtari policor A.I. ishte arrestuar pak ditë pasi u përfshi në një incident ku i dyshuar për sulm ishte Ramadan Selimi, që është vëllai i deputetit të Kuvendit të Kosovës, Rexhep Selimi.

Zyrtari po hetohej për një rast tjetër.

http://kallxo.com/arrestohet-vellai-deputetit-rexhep-selimi-per-sulm-ndaj-policit/

Ramadan Selimi u arrestua mbrëmjen e 2 marsit nën dyshimin se kishte sulmuar zyrtarin policor.

http://kallxo.com/policia-shpjegon-incidentin-vellain-e-rexhep-selimit/