Studentët e SKV gjatë një proteste muajin e kaluar në kërkim të lirimit të kolegëve të tyre.
Lirohen aktivistët e SKV-së nga paraburgimi
16.5.2018 - 17:19
Gjykata e Apelit i ka liruar nga paraburgimi gjashtë aktivistët e organizatës studentore “Studim, Kritikë, Veprim”, që gjendeshin në paraburgim nga koha kur ishin arrestuar teksa po festonin përvjetorin e organizatës.
KALLXO.com merr vesh së Apeli duke vendosur sipas ankesave të mbrojtësve iu ka ndërprerë masën e paraburgimit, duke e zëvendësuar me masën e arrestit shtëpiak.
KALLXO.com më 14 prill raportoi për vendimin e Gjykatës ndaj gjashtë aktivistëve të organizatës studentore “Studim, Kritikë, Veprim”, me të cilin vendim u ishte caktuar masa e paraburgimit prej një muaji.
Gjashtë anëtarët e SKV-së ishin arrestuar në Parkun e Qytetit në Prishtinë ku organizata po festonte tetëvjetorin e themelimit.
