Prapa grilave - Ilustrim
Xhabir Zharkut i zgjatet sërish paraburgimi
Ish-kryetari i Kaçanikut, Xhabir Zharku, pritet që të qëndrojë edhe për dy muaj në paraburgim. Kjo pasi gjykata ia ka caktuar edhe dy muaj paraburgim sipas kërkesës së Prokurorisë së Ferizajt.
Prokuroria e Ferizajt të premten ka paraqitur kërkesë për vazhdimin e paraburgimit ndaj Zharkut.
Gjykata e Ferizajt ka vendosur lidhur me kërkesën e prokurorisë duke i vazhduar Xhabir Zharkut paraburgimin edhe për dy muajt e ardhshëm.
Xhabir Zharku ishte arrestuar më 14 dhjetor të vitit të kaluar në Aeroportin e Prishtinës nën dyshimin se ka kryer dy vepra penale të shpërdorimit të pozitës zyrtare në periudha të ndryshme kohore në kohën sa ka qenë kryetar i Komunës së Kaçanikut.
Xhabir Zharku po qëndron në paraburgim nga data 15 dhjetor e vitit të kaluar.
Zharku ishte arrestuar në Aeroportin e Prishtinës në përpjekje për t’u larguar nga Kosova.
Të gjitha raportimet e KALLXO.com për Xhabir Zharkun – LINK