Vrasja në Ferizaj, tensione mes familjarëve dhe të akuzuarve në gjykatë

Albert, Artan ,Fadil dhe Argjend Ramadani si dhe Driton Krasniqi dolën sot para gjykatës si të akuzuar në rastin e  vrasjes së Besart Hasanit.

Vrasja kishte ndodhur vitin e kaluar në Ferizaj.

Të akuzuarit Artan Ramandani Fadil Ramadani dhe Argjend Ramadani para fillimit të seancës  janë fjalosur në mes vete me familjarët e të dëmtuarit.

Një situatë e tillë ka fillur kur i akuzuari Artan Ramadani ka bërtitur duke iu drejtuar dikujt nga familjarët e të dëmtuarit dhe duke i thëë‘’nuk mund të duroj më gjatë’’ policit i cili gjendej në sallë.

Reagimi i menjëhershëm ka qenë i nënës së tani të ndjerit Besart Hasani e cila u largua nga salla së bashku me vëllaun e të ndjerit dhe e cila tha se ‘’nuk kemi çka me qëndru më gjatë në këtë gjykatë’’

Familjarët e viktimës Besart Hasani e bojkotuan seancën duke u larguar ende pa filluar shqyrtimi gjyqësor,

Në seancë megjithatë qëndroi avokati i palës së dëmtuar, Ramiz Krasniqi i cili gjithashtu paralajmëroi të akuzuarit se do të ushtrojë kallëzim penal në polici për kanosjen e cila sipas tij iu bë vëllaut të viktimës gjatë fjalosjes.

Kryetari i trupit gjykues Mustafë Tahiri dhe antarët e trupit gjykues Fitore Daci dhe Mirlinda Rexhepi vendosen që seanca të vazhdoj edhe pa familjarët e të ndjerit. Krejt kjo kishte ndodhur para se trupi gjykues te futet në sallë.

Albert  Ramadani akuzohet nga Prokuroria e Ferizajt se në shkurt të vitit 2018 me dashje dhe në mënyrë mizore e ka vrarë të dëmtuarin tani të ndjerin Besart Hasani për një mosmarrëveshje rreth një veture BMË X5 në vlerë 60 mijë euro të cilën veturë e kishte marrë Driton Krasniqi nga familja Ramadani me premtimin se do ta paguajë dhe të cilën nuk e ka paguar ,ndersa i ndjeri Besart Hasani ka qenë ndërmjetsues ,

Ndersa Artan,Argjend dhe Fadil Ramadani akuzohen nga prokuroria për pjesmarrje në rrahje,

Driton Krasniqi akuzohet për mashtrim.