Vëllai i kryetarit të Vushtrrisë mbetet në paraburgim
Salih Tahirit, vëllait të kryetarit të komunës së Vushtrrisë, Xhafer Tahiri, i është vazhduar masa e paraburgimit edhe për një muaj.
Këtë për KALLXO.com e ka konfirmuar Valon Preteni, zëdhënës në Prokurorinë e Mitrovicës.
“Gjykata në Mitrovicë ia ka vazhduar edhe për një muaj masën e paraburgimit Sali Tahirit”, tha Preteni për KALLXO.com.
Pas kërkesës se Prokurorisë në Mitrovicë, Gjykata në tetor ia kishte caktuar këtë masë të sigurisë të dyshuarit Tahiri.
Bashkë me vëllain e Xhafer Tahirit, masa e paraburgimit i është vazhduar edhe të dyshuarit tjetër Shkëlzen Kajtazi.
Kjo kërkesë ndaj dy të dyshuarve kishte ardh pas publikimit në media të një video-incizimi, ku pretendohet se dëgjohet Salih Tahiri dhe i dyshuari tjetër Shkelzen Kajtazi.
.