Ilustrim
Tenton t`u ikën policisë, arrestohet pas një muaji
Në fund të korrikut të këtij viti, një person kishte rrezikuar jetën e disa zyrtarëve policor deri sa po tentonte të ikte nga ta.
Në lidhje me këtë rast policia ka njoftuar se pas më shumë se një muaji i dyshuari është arrestuar.
Në raportin ditor të policisë thuhet se më 31 korrik të këtij viti në fshatin Seçishtë, të Komunës së Hanit të Elezit i dyshuari gjatë një kontrolli policor, nuk ka zbatuar urdhrat e zyrtarëve policorë dhe ka tentuar të ikë me veturën e tij duke i rrezikuar zyrtarët policorë.
Policia nuk ka dhënë detaje se për çfarë është kontrolluar shtëpia e të dyshuarit.
Në lidhje me rastin është njoftuar edhe Prokurori i Shtetit.
Me vendim të prokurorit kujdestar të dyshuarit i është caktuar masa e ndalimit policor për 48 orë.