Ilustrim - Policia në aksion
Prokuroria e Pejës jep detaje për dy të dyshuarit që lëshonin dokumente të falsifikuara të testit COVID-19
28.1.2021 - 13:25
Një burrë dhe një grua janë arrestuar dje me urdhër të prokurorisë nën dyshimet se kanë falsifikuar dokumente të testit COVID-19.
Me ato dokumente të falsifikuara janë furnizuar qytetarë të ndryshëm.
Prokuroria e Pejës sot ka parashtruar kërkesë për caktimin e paraburgimit ndaj dy të dyshuarve.
Sot gjatë ditës pritet që kërkesa të procedohet në gjykatë.
Lajmin për KALLXO.com e ka konfirmuar zëdhënësi i prokurorisë se Pejës, Shkodran Nikçi.
“Kërkesa për paraburgim shumë shpejtë pritet të dorëzohet në gjykatë”, tha Nikçi lidhur me rastin.
Arrestimi i të dyshuarve është bërë dje rreth orës 12:55.
Lëshonin dokumente të falsifikuara të testit COVID-19, arrestohen dy të dyshuar