Prokuroria Speciale shënjestron edhe dy raste të reja
21.10.2020 - 14:53
Prokuroria Speciale njofton se ekipi i përbashkët për përzgjedhjen dhe shënjestrimin e krimeve të rënda në takimin e sotëm ka zgjedhur dy raste të reja për shënjestrim.
Rasti i parë që është përzgjedhur për shënjestrim ka të bëjë me veprën penale shpërlarje e parave.
Ndërsa rasti i dytë i shënjestruar ka të bëjë me veprat penale ushtrim ndikimi dhe keqpërdorim të detyrës zyrtare.
Prokuroria Speciale ka njoftuar se nga rastet e zgjedhura për shënjestrim ka pasuri të sekuestruar që është fituar drejtpërdrejtë me kryerjen e veprave penale.