Ilustrim

Mitrovicë- Arrestohet një grua e dyshuar për ‘kanosje’

Në Stacionin Policor në Mitrovicë, mbrëmë është raportuar dhe është iniciuar një rast me elemente të veprës penale ‘kanosje’.

Sipas deklarimit të viktimës, bëhet e ditur se ai ishte kanosur nga e dyshuara grua, e cila në kanosje kishte përdorur edhe armën.

Në vendin e ngjarjes nga hetuesit policorë është gjetur dhe është konfiskuar një gëzhojë, thuhet në njoftimin e policisë.

Ndërsa nga veprimet tjera hetimore më vonë ka rezultuar që të identifikohet dhe të arrestohet e dyshuara S. T., 28 vjeçare, nga e cila është sekuestruar një armë e llojit pistoletë e cila dyshohet të jetë përdorur në veprën penale.

Bazuar në deklaratën e ankuesit dhe elementeve tjera rrethanore, përfshirë edhe provat materiale, janë ndërmarrë hetime të nevojshme policore, të cilat i janë paraqitur prokurorit të rastit, ku është sugjeruar që rasti të iniciohet dhe të hetohet si vepër penale ‘kanosje’ dhe ‘përdorim i armës’.

Pas procedurave intervistuese, me urdhër të prokurorit të rastit, të dyshuarës i është caktuar masa e ndalimit policor për 48 orë.