Viti: Katër të arrestuar pas raportimit të KALLXO.com
Gjatë ditës së sotme, Policia e Kosovës në bashkëpunim me Prokurorinë e Gjilanit ka filluar një bastisje të një bastore në Viti.
Ky aksion i policia ka përfunduar sot me sekuestrimin e dhjetëra kompjuterëve dhe arrestimin e katër personave të dyshuar.
Kjo bastore është bastisur nga ana e policisë pas filmimeve që KALLXO.com i kishte kryer disa ditë më parë.
Përveç bastores, cak i bastisjeve kanë qenë edhe dy lokale të kazinove.
Sipas raportimit të KALLXO.com, makineritë e njohura si ‘aparatet’ janë zëvendësuar nga kompjuterët elektronikë.
Dy netë më parë hulumtuesit e KALLXO.com, kishin arritur që të luanin brenda njërit prej këtyre lokaleve.
Sistemi i luajtjes ishte i thjeshtë, mjaftonte që të mbushni llogarinë dhe kompjuteri aktivizohej në mënyrë automatike.