Arrestohet një person për kanosje në Ferizaj, i sekuestrohen armë e fishekë

Policia ka bërë të ditur se ka arrestuar një person në Ferizaj pasi i njëjti dyshohet se ka kanosur një person tjetër.

Sipas Policisë, i dyshuari pas një mosmarrëveshje, ka kanosur dhe ka tentuar ta sulmojë fizikisht një person duke i ekspozuar edhe një armë.

Policia ka bastisur shtëpinë e të dyshuarit dhe gjatë kontrollit ka gjetur dhe sekuestruar një pistoletë me gaz, 31 fishekë dhe një qese në sasi të vogël, substancë që dyshohet të jetë narkotike.

Pas intervistimit, i dyshuari është dërguar në mbajtje.

Rasti është regjistruar nga Policia e Kosovës më 18.09.2024, në ora 10:00 dhe është iniciuar si “kanosje”.