Aksidentohet djali i presidentit Hashim Thaçi
13.8.2020 - 15:26
Endrit Thaçi, djali i presidentit të vendit Hashim Thaçi, është aksidentuar mëngjesin e ditës së sotme.
Sipas policisë rasti ka ndodhur sot rreth orës 05:25.
Aksidenti është konfirmuar edhe nga zëdhënësja e policisë në rajonin e Prishtinës, Florie Ahmeti.
“Sot në ora 05:25 në rrugën Prishtinë – Ferizaj, te rreth rrotullimi afër Stacionit Policor Jugu, ka ndodhur një aksident trafiku në mes të tri automjeteve. Si pasojë e aksidentit një person është lënduar”, tha Ahmeti.
KALLXO.com mëson se Endriti është personi i cili ka pësuar lëndime si pasojë e këtij aksidenti.
Ajo tutje ka shtuar se me rastin po merret njësiti i trafikut.