Policia është vënë në kërkim të të dyshuarit për ngacmim të grave në Prishtinë (VIDEO)
Policia e Kosovës është vënë në kërkim të një personi të dyshuar për ngacmim të grave dhe vajzave në kryeqytet.
Sipas pamjeve të publikuara në rrjetet sociale, është një person i gjinisë mashkullore që prek vajzat dhe gratë në mes të rrugës.
I njëjti person është incizuar në raste dhe muaj të ndryshëm duke ngacmuar gra e vajza.
Sipas disa qytetarëve, pamjet janë marrë kryesisht në lagjen “Tophane” të kryeqytetit.
Policia e Kosovës thotë se për këtë rast është njoftuar dje rreth orës 13:00.
“Informata është duke u trajtuar nga ana e hetuesve policorë, të cilët aktualisht janë duke punuar për identifikimin dhe arrestimin e personit të dyshuar”, tha për KALLXO.com zëdhënësja e Policisë Rajonale të Prishtinës, Florie Ahmeti.
Këto janë pamjet e publikuara në rrjetet sociale lidhur me personin e dyshuar.
Në këtë video shihet personi i cili për të 3-tën herë ka ngacmuar vajza duke i prekur, rasti është raportuar në polici, mirëpo asnjëherë nuk janë ndërmarrë masa kundër tij.
Ngjarja ka ndodhur sot ne kryeqytet-Prishtine ne lagjen tophane në mesditë ora 13:29. pic.twitter.com/JyjYa08KZu— Timmy Brave (@Timmybrave) July 24, 2019
.