Qendra e qytetit të Pejë - Foto: Atdhe Mulla
Pejani pranon fajësinë për fjalët kanosëse: Të hjek prej kësaj dynjaje!
31.7.2019 - 23:03
Agon Kelmendi, i akuzuar për kanosje, sot e pranoi fajësinë për veprën penale që i vihet në barrë.
“E pranoj fajësinë për veprën penale për të cilën akuzohem” , tha Kelmendi në Gjykatën e Pejës.
I akuzuari Kelmendi është sjellë në Gjykatë përmes urdhër-arrestit.
Sipas aktakuzës, Agon Kelmendi, përderisa ishte duke vozitur me veturën e tij, fillimisht sinjalizon të dëmtuarin Xhevdet Shala me qëllim që t’ia lirojë rrugën, pastaj del nga vetura dhe niset në drejtim të të dëmtuarit duke iu drejtuar me fjalët kanosëse: Të hjek prej kësaj dynjaje”.
Gjyqtari i çështjes, Ahmet Rexhaj, tha se shpallja do të bëhet më 1 gusht 2019.