Pandemia në gjyqësor, KGjK diskuton për trajtimin e lëndëve që rrezikojnë parashkrimin
10.4.2020 - 20:07
Sot Këshilli Gjyqësor i Kosovës mbajti takimin e vet të radhës në të cilën u diskutua për gjendjen aktuale të gjyqësorit në Kosovë nën situatën e pandemisë COVID-19.
Në këtë mbledhje u diskutua edhe për trajtimin e lëndëve për të cilat arrihet parashkrimi absolut.
Fillimisht u aprovua njoftimi për pensionimin e gjyqtarëve.
Ndërsa u mor vendim për pezullimin e procedurave disiplinore ndaj gjyqtarëve deri në njoftim të radhës.
Poashtu KGJK-ja, formoi panelet hetimore për 6 raste disiplinore, ndërsa u aprovua 2 kërkesa për shtyrjen e afatit të hetimeve për shkak të gjendjes së coronavirusit.