Prapa grilave - Ilustrim

Një muaj paraburgim për të dyshuarin që e kërcënoi motrën me thikë

Gjykata e Ferizajt ka njoftuar se ka caktuar masën e paraburgimit ndaj Q.M., i dyshuar për kanosje.

Sipas njoftimit, paraburgimi është caktuar pasi ekziston dyshimi i bazuar mirë se i njëjti ka kryer veprën penale të kanosjes.

Vepra është kryer më 14 nëntor dhe personi i kanosur është motra e të dyshuarit.

I pandehuri është njoftuar me të drejtën e tij në ankesë ndaj vendimit mbi paraburgim e gjithashtu edhe me faktin se ankesa nuk e pezullon paraburgimin.