Një i plagosur me armë zjarri në Prishtinë
Pas një të shtëne me armë zjarri në rrugën ‘Azem Bejta’ në Prishtinë ka mbetur i plagosur një person.
Incidentin e ka konfirmuar për KALLXO.com zëdhënësja e Policisë për Rajonin e Prishtinës, Florie Ahmeti.
“Rreth orës 17:00 kemi pranuar informatën për të shtëna me armë zjarri në rrugën ‘Azem Bejta’ në Prishtinë. Menjëherë në vendin e ngjarjes kanë dalë njësitet policore të cilat kanë hasur një person të plagosur, i cili menjëherë është dërguar për tretman mjekësor”, ka thënë Ahmeti.
Sipas zyrtares për informim, aktualisht nga njësitet policore është duke u bërë ekzaminimi i vendit të ngjarjes.
Gjithashtu shtoi së hetuesit policorë janë duke punuar pēr identifikimin e personave të dyshuar, si dhe sqarimin e rrethanave qe lidhen me këtë ngjarje.
