Rigjykimi i Pjetër Ndrecajt - 12.09.2019,,.
Ndrecaj nuk e pranoi fajësinë për vrasjen e gruas dhe vajzës - VIDEO
Pjetër Ndrecaj i cili po rigjykohet për vrasjen e gruas Valbona Ndrecaj dhe vajzës së tij 9 vjeçare, nuk e ka pranuar fajësinë për vrasjen e dyfishtë.
Ndrecaj e ka pranuar akuzën vetëm për armëmbajtje pa leje.
Ndërkohë mbrojtësi i palës së dëmtuar, avokati Isa Osdautaj, kërkoi që i njëjti të akuzohet edhe për shkaktim të përgjithshëm të rrezikut.
Osdautaj tha se “është edhe një letër e shkruar me dorë që e posedon Prokuroria e Gjakovës, por që nuk është në shkresat e lëndës dhe të cilën nuk e dinë askush”.
Në anën tjetër prokurori Ali Uka, tha se në vazhdimësi do të shohim se a do të bëjnë ricilësimin e aktakuzës ose jo.
Ndërsa mbrojtësi u të akuzuarit Pjetër Ndrecaj, avokati Ndrec Dodaj tha se: “As me vendimet e gjykatës supreme nuk janë evidentuar parregullsi që thotë mbrojtja. Kërkesën e avokatit Isa Osdautaj e vlerësoj si të pabazuar”.
Seanca e radhës u caktua me datën 14 tetor.
I akuzuari për vrasjen e gruas së tij Valbona Ndrecaj dhe vajzës së tij, Pjetër Ndrecaj është sjellë para Gjykatës në Gjakovë i lidhur me zinxhirë në duar dhe këmbë.
Tragjedia në Gjakovë, dënim me 24 vjet burgim
Pjetër Ndrecaj, ishte gjykuar e dënuar për vrasjen e bashkëshortes dhe vajzës së tij.
Kallxo.com kishte raportuar në vazhdimësi për këtë rast.
Ndrecaj sillet në Gjykatë i lidhur me zinxhirë në duar dhe këmbë
Nga gjykata e Apelit, Pjetër Ndrecajt, iu dha dënimi me burgim të përjetshëm, ndërsa Gjykata Supreme kishte vendosur që këtë rast ta kthejë në rigjykim.
Kolegji i Gjykatës Supreme, kishte konstatuar se në aktgjykimin e shkallës së parë ishin bërë shkelje esenciale të procedurës penale, e më pas gjykata e shkallës së dytë kishte kaluar mbi këto shkelje.
Bëhet e ditur tashmë se para dy muajsh, ishte djegur shtëpia ku jetonte Familja e Valbona Marku- Ndrecaj.
Ndrecaj në nëntor të vitit të kaluar ishte dënuar me 24 vite burgim nga Gjykata e Gjakovës, ndërsa dy muaj më vonë atij i ishin shtuar edhe një vit e tetë muaj për rrahjen e ish-bashkëshortes së tij Valbona Ndrecaj.
Valbona Ndrecaj së bashku me vajzën e saj ishin qëlluar për vdekje nga kryefamiljari mbrëmjen e shtatë gushtit 2018.
.
