Ndërprehet për një orë gjykimi ndaj Pjetër Ndrecajt

I akuzuari për vrasjen e gruas së tij Valbona Ndrecaj dhe vajzës së tij 9 vjeçare, Pjetër Ndrecaj është sjellë para Gjykatës në Gjakovë.

Në seancën e sotme u prezantua raporti mjekësor nga spitali regjional i Gjakovës “Isa Grezda”.

Pas shikimit të raportit, mbrojtësi i të akuzuarit Pjetër Ndrecaj, avokati Ndrec Dodaj, kërkoi nga gjykata që si dëshmitar të dëgjohet psikiatri i spitalit të Gjakovës, Isa Grezda.

Derisa avokati Isa Osdautaj, përfaqësues i palës së dëmtuar,  kundërshtoi që të dëgjohet psikiatri Ilir Grezda, mirëpo prokurori Ali Uka një propozim të tillë ia la në vlerësim të gjykatës.

Në anën tjetër, gjykatësi Gëzim Pozhegu e aprovoi propozimin e avokatit Ndrecaj, duke ndërprerë gjykimin për një orë derisa të vijë psikiatri prej spitalit.

Valbona Ndrecaj së bashku me vajzën e saj ishin qëlluar për vdekje nga kryefamiljari mbrëmjen e shtatë gushtit 2018, nga kryefamiljari i tyre Pjetër Ndrecaj.

Pjetër Ndrecaj, ishte gjykuar e dënuar për vrasjen e bashkëshortes dhe vajzës së tij.

Ai gjendet në paraburgim nga data 7 gusht 2018.

Nga gjykata e Apelit, Pjetër Ndrecajt, iu dha dënimi më i lartë në Kosovë, dënim ky me burgim të përjetshëm, ndërsa gjykata Supreme kishte vendosur që këtë rast ta kthejë në rigjykim.

Kolegji i gjykatës Supreme, kishte konstatuar se në aktgjykimin e shkallës së parë ishin bërë shkelje esenciale të procedurës penale, e më pas gjykata e shkallës së dytë kishte kaluar mbi këto shkelje.

Bëhet e ditur tashmë se ishte djegur shtëpia ku jetonte Familja e Valbona Marku Ndrecaj.

Pjetër Ndrecaj në nëntor të vitit të kaluar ishte dënuar me 24 vite burgim nga Gjykata e Gjakovës, ndërsa dy muaj më vonë atij i ishin shtuar edhe një vit e tetë muaj për rrahjen e ish-bashkëshortes së tij Valbona Ndrecaj.

Valbona Ndrecaj së bashku me vajzën e saj ishin qëlluar për vdekje nga kryefamiljari mbrëmjen e shtatë gushtit 2018.

“S’kam çka kthehem më aty”, i kishte thënë Valbona Ndrecaj dajës së Pjetër Ndrecajt

.