Krushë e Madhe, aksident me disa të lënduar
10.12.2019 - 19:27
Një aksident trafiku mes dy automjeteve udhëtarësh ka ndodhur në fshatin Krushë e Madhe të Rahovecit në orën 16:30.
Rastin për KALLXO.com e ka konfirmuar zëdhënësja e Policisë për Rajonin e Gjakovës, Lirije Podrimaj.
Podrimaj ka deklaruar se katër persona kanë pësuar lëndime por që janë jashtë rrezikut për jetë.
Sipas zyrtares policore, aksidenti dyshohet se ka ndodhur si pasojë e mospërshtatjes së shpejtësisë.
Rasti po hetohet nga njësiti rajonal i komunikacionit rrugor.
