KOMF mban konferencë të jashtëzakonshme pas vdekjes së fëmijës në Fushë-Kosovë

Koalicioni i OJQ–ve për Mbrojtjen e Fëmijëve në Kosovë, KOMF, nisur nga rasti i fundit i vdekjes së fëmijës në rrethana të dyshimta në Fushë-Kosovë, organizon konferencë të jashtëzakonshme për media.

Në konferencë, do të prezantohet qëndrimi dhe kërkesat e KOMF ndaj institucioneve dhe do të kërkohen veprime dhe përgjegjësi për situatën e rëndë në të cilën shteti dhe institucionet vazhdojnë t’i lënë fëmijët në situatë rruge, të përfshirë në punë të rënda, duke u përballur me rreziqet e shumta përfshirë abuzimin seksual, trafikimin dhe vrasjen.

Po ashtu, do të kërkohet përgjegjësi për neglizhencën institucionale dhe mosmarrjen me prioritet të rasteve të abuzimeve të fëmijëve.

Si dhe do të kërkohet zbardhja e rastit të vdekjes së fëmijës në rrethana të dyshimta në Fushë-Kosovë.

Konferenca do të mbahet sot duke filluar nga ora 10:00./21Media