Prapa grilave - Ilustrim
Kërkohet paraburgimi i të dyshuarit për dhunimin seksual të së miturës në Skenderaj
04.11.2021 - 11:04
Prokuroria e Mitrovicës dje ka paraqitur kërkesën për caktimin e paraburgimit për rastin e dhunimit të së miturës në Skenderaj.
Seanca për caktimin e paraburgimit është caktuar sot në orën 11 në Gjykatën e Mitrovicës tha zëdhënësi i prokurorisë, Valon Preteni për KALLXO.com
Fillimisht rasti në Policinë e Skenderajt ishte paraqitur si bashkësia jashtëmartesore me persona nën moshën 16 vjeçare.
Por pas ekzaminimit të viktimës nga gjineokologu,Prokuroria e Mitrovicës veprën penale nga bashkësi jashtëmartesore me personat nën moshën 16 vjeçare e ka kualifikoi si dhunim.
Prokuroria e Mitrovicës fillimisht ka ndaluar për 48 orë të dyshuarin i cili sot do të ballafaqohet me kërkesën për caktimin e paraburgimit ndaj tij.