Gjuan me armë në Pejë, arratiset dhe braktis veturën në Carrabreg të Deçanit
Policia përmes një komunikate ka bërë të ditur se sipas të dhënave preliminare dyshohet se një person i dyshuar ka shtënë tri herë në drejtim të një veture.
Sipas policisë, personat të cilët ndodheshin në veturë kanë shpëtuar pa lëdime, ndërsa vetura e viktimës është goditur nga predhat në dy dyert e veturës.
Policia ka njoftuar se pas kësaj gjuajtje me armë, i dyshuari ka ikur me veturën e tij në drejtim të Deçanit, me pas në fshatin Carrabreg-Deçan ka braktisur veturën dhe ka ikur në drejtim të panjohur.
“Në vendin e ngjarjes janë konfiskuar tri gëzhoja, po ashtu është konfiskuar edhe vetura e të dyshuarit, ndërsa vetura e viktimës është duke u ekzaminuar nga Hetuesit Rajonal të Drejtorisë Rajonale Pejë”, njofton policia.
Tutje është bërë e ditur se policia ka zbuluar identitetin e personit të dyshuar dhe është duke ndërmarrë të gjitha masat për arrestimin e tij.
KALLXO.com raportoj më herët për gjuajtjen me armë në Pejë.