Fotografi nga aksioni i Policisë së Kosovës në disa qytete
Që nga orët e para të mëngjesit, njësitë të ndryshme të Policisë së Kosovës janë duke zhvilluar një aksion të madh në disa qytete të Kosovës.
KALLXO.com ka siguruar fotografi nga aksioni i gjerë i Policisë së Kosovës.
Lajmin për Radion Evropa e Lirë e ka konfirmuar, Bajram Krasniqi, nga zyra për Informim në Policinë e Kosovës.
“Aksioni ka filluar shumë herët. Ky aksion i madh është duke u zhvilluar në disa qytete, por nuk mund të them në cilat qytete saktësisht”, ka thënë shkurt Krasniqi.
Ai nuk ka treguar arsyet e këtij aksioni, por ka shtuar se më vonë gjatë ditës, Policia e Kosovës do të njoftojë për detaje të tjera të këtij operacioni ku janë të përfshirë qindra policë.
