Enis Gashi merr besimin e KPK-së për kryeprokuror të Prokurorisë Themelore në Gjakovë
Enis Gashin është zgjedhur në detyrën e kryeprokurorit të Prokurorisë Themelore të Gjakovës me një mbështetje nga pjesa shumicë e anëtarëve të KPK-së.
Me një rezultat prej 9 vota për, 1 kundër, Gashi do të të fillojë mandatin e tij si kryeprokuror nga 1 janari i vitit 2024.
Konkursi për Kryeprokuror në Gjakovë ishte shpallur fillimisht më 23 maj 2023 por i njëjti ishte shtyrë për t’u rihapur më pastaj më 1 gusht 2023.
Ndryshe, deri tek shpallja e këtij konkursi kishte ardhur pasi ish-kryeprokurori i mëparshëm Ramiz Buzhala ishte degraduar nga KPK-ja dhe i njëjti ishte transferuar si prokuror në Departamentin e Përgjithshëm të Prokurorisë Themelore në Pejë.
Gjatë muajit nëntor pesë kandidatë për pozitat e kryeprokurorit të Prokurorisë Speciale dhe asaj të Prokurorisë së Prishtinës janë intervistuar.
Kandidat i vetëm për pozitën e Kryeprokurorit të Prokurorisë Themelore në Prishtinë ka qenë Zejnullah Gashi pasi prokurorja Fitore Sadiku, nuk i kishte plotësuar kriteret për të kandiduar për pozitën e kryeprokurores dhe kundërshtimi i saj ishte refuzuar nga KPK.
Zenjullah Gashi merr besimin e KPK-së për kryeprokuror të Prokurorisë Themelore të Prishtinës
Kurse kandidatët për pozitën e Kryeprokurorit të Prokurorisë Speciale të Republikës së Kosovës kanë qenë prokurorët Atdhe Dema, Blerim Isufaj, Naim Abazi dhe Valdet Gashi.
Blerim Isufaj merr besimin e KPK-së për ta drejtuar Prokurorinë Speciale edhe për katër vite
Sipas njoftimit të KPK-së, procesi i intervistimit të kandidatëve për pozitën e Kryeprokurorit të Prokurorisë Speciale të Republikës së Kosovës dhe Kryeprokurorit të Prokurorisë Themelore në Prishtinë është monitoruar nga përfaqësues të Ambasadës Amerikane, Misionit për Sundim të Ligjit në Kosovë (EULEX), Zyrës së BE-së në Kosovë, Programit të BE-së për Sektorin e Drejtësisë në Kosovë (EUKOJUST) dhe shoqërisë civile.
