Edhe një i arrestuar për shitje të diplomave false
09.10.2019 - 20:26
Është arrestuar edhe personi i pestë nën dyshimin për falsifikim dhe shitje të diplomave në operacionin e ndërmarrë nga Prokuroria e Prizrenit.
I dyshuari është nga Podujeva përderisa është arrestuar nga Policia në Prishtinë.
Gjatë ditës së sotme, nën drejtimin e Prokurorisë së Prizrenit, Policia ka ndërmarrë një operacion të gjerë bastisjesh e arrestimesh.
Operacioni është zhvilluar në Prishtinë dhe Prizren.
Më herët prokurori Petrit Kryeziu ka konfirmuar për KALLXO.com se 4 persona janë arrestuar ndërsa janë bastisur 7 vende.
Personat dyshohet se shisnin diploma të shkollave të mesme ndërsa janë kapur në flagrancë duke shitur disa te tilla.
Gjatë operacionit janë konfiskuar vula e diploma.