Dënohet pejani për posedim të heroinës

Naim Krasniqi është dënuar sot nga Gjykata e Pejës për vepër penale të narkotikëve.

Atij iu shqiptuar dënimi prej 10 muaj burgim dhe 300 euro gjobë.

Krasniqit i ishte gjetur nga ana e policisë substancë narkotike e llojit heroin në peshë prej 6.3 gram.

I akuzuari e kishte pranuar fajësinë për këtë vepër penale.

Sipas dosjes së prokurorisë rasti kishte ndodhur më 17 janar të vitit 2020 në Pejë.

Gjykatës i kësaj çështje penale është Musë Povataj, ndërsa aktakuzën e ka përfaqësuar prokurorja Suada Hamza.