Dënohet me 25 vjet burg gruaja për vrasjen e burrit me sëpatë
E akuzuara S.Z.–S. është dënuar nga Gjykata e Prishtinës me 25 vite burgim për vrasjen e bashkëshortit të saj, A.S. me sëpatë.
Ajo akuzohet nga Prokuroria se më 21.9.2018, rreth orës 8:30 në banesën e saj në Francë, ku ishin duke jetuar, me dashje e ka vrarë bashkëshortin e saj, duke e goditur me sëpatë të paktën 11 herë në pjesën e qafës.
Sipas Prokurorisë, si pasojë e këtyre goditjeve viktimës i është këputur pothuajse në tërësi koka nga trupi.
Sipas njoftimit të Gjykatës së Prishtinës, me aktvendim të veçantë të akuzuarës S.Z.-S. i është vazhduar paraburgimi derisa aktgjykimi të marrë formën e prerë.
Në këtë dënim të akuzuarës i llogaritet koha e kaluar në paraburgim prej datës 5.10.2018 e tutje.
Kundër këtij vendimi pala ka të drejtë ankese në Gjykatën e Apelit të Kosovës.
KALLXO.com ka raportuar më herët për këtë rast.
E akuzuara për vrasjen e burrit me sëpatë deklarohet rreth fajësisë