Zyrtare: Koalicioni i Nismës nuk e kalon pragun

Koalicioni parazgjedhor Nisma Socialdemokrate – Aleanca Kosova e Re – Partia e Drejtësisë, nuk e kanë kaluar pragun për tu bërë pjesë e Kuvendit të Kosovës, nga zgjedhjet e jashtëzakonshme të 6 tetorit.

Komisioni Qendror i Zgjedhjeve (KQZ), sot ka shpallur rezultatet përfundimtare të zgjedhjeve nacionale të këtij viti.

Sipas të dhënave të KQZ-së, Nisma-AKR-PD ka marr 42 mijë  e 72 vota apo 4,984 për qind, përderisa për ta kaluar pragun nevojiten 5 për qind e votave.

Rezultatet përfundimtare kanë konfirmuar se Lëvizja Vetëvendosje ka marr më së shumti vota, pasuar me LDK-në, PDK-në në vendin e tretë dhe më pas koalicioni AAK-PSD, si dhe partitë tjera.

KALLXO.com është duke transmetuar direkt shpalljen e rezultateve përfundimtare për zgjedhjet e 6 tetortit nga KQZ.