Objekti ku do të vendoset Gjykata Speciale | Foto: Wikimedia
Zyra e Prokurorit të Specializuar falenderon mediat që nuk i publikuan dosjet e dorëzuara në zyret e OVL të UÇK-së
Zyra e Prokurorit Special ka reaguar pas rasteve të dorëzimit të mijëra dosjeve të kësaj Gjykate nga persona ende të panjohur në zyret e Organizatës së Veteranëve të Luftës së Ushtrisë Çlirimtare të Kosovës.
Në deklaratën e lëshuar për media, kjo Zyra e Prokurorit të Specializuar dorëzimin e dosjeve në zyret e OVL të UÇK-së e ka quajtur tentim për ta minuar administrimin e drejtësisë në mënyrën e duhur.
“Gjatë këtyre javëve të fundit zyra ime ka marrë shumë pyetje nga gazetarët në lidhje me deklarata të bëra nga Organizata e Veteranëve të Luftës të UÇK-së e cila në një numër rastesh është përfshirë në aktivitete që unë besoj se kanë për qëllim të minojnë administrimin në mënyrën e duhur të drejtësisë”, thuhet në deklaratë.
Kjo gjykatë gjithashtu ka theksuar se është për t`u lavdëruar profesionalizmi i gazetarëve kosovar, të cilët nuk kanë pranuar që t`i publikojnë dosjet të cilat janë dorëzuar në zyret e OVL të UÇK-së.
“Dua të shfrytëzoj këtë mundësi për të lavdëruar gazetarët me etikë në të gjithë Kosovën të cilët nuk kanë pranuar të botojnë dokumentet që iu dhanë, si dhe numrin e madh të gazetarëve të cilët vullnetarisht na kanë dhënë dokumentet që ata morën nga Organizata e Veteranëve të Luftës të UÇK-së dhe kanë pranuar publikisht se pjesëmarrja në shpërndarjen e një informacioni të tillë mund të ishte krim sipas Kodit Penal të Kosovës”, thuhet në deklaratë.
Deklarata e plotë e Zyrës së Prokurorit të Specializuar:
22 shtator 2020
Deklaratë për shtyp
Gjatë këtyre javëve të fundit zyra ime ka marrë shumë pyetje nga gazetarët në lidhje me deklarata të bëra nga Organizata e Veteranëve të Luftës të UÇK-së e cila në një numër rastesh është përfshirë në aktivitete që unë besoj se kanë për qëllim të minojnë administrimin në mënyrën e duhur të drejtësisë.
Gjatë kësaj kohe unë kam vënë re gjithashtu profesionalizmin e lavdërueshëm dhe integritetin etik të gazetarëve të Kosovës dhe komentatorëve të tjerë publikë, shumë prej të cilëve kanë folur qartë se si aktivitete të tilla minojnë sundimin e ligjit dhe kursin e drejtësisë.
Dua të shfrytëzoj këtë mundësi për të lavdëruar gazetarët me etikë në të gjithë Kosovën të cilët nuk kanë pranuar të botojnë dokumentet që iu dhanë, si dhe numrin e madh të gazetarëve të cilët vullnetarisht na kanë dhënë dokumentet që ata morën nga Organizata e Veteranëve të Luftës të UÇK-së dhe kanë pranuar publikisht se pjesëmarrja në shpërndarjen e një informacioni të tillë mund të ishte krim sipas Kodit Penal të Kosovës.
ZPS-ja është e angazhuar për të hetuar dhe ndjekur penalisht me forcë individë që kryejnë krime të tilla, që përfshijnë publikimin e identitetit të individëve që mund të thirren para gjykatës apo të ndonjë informacioni që mund të çojë në identifikimin e tyre.
Gjatë këtyre javëve të fundit zyra ime ka marrë shumë pyetje nga gazetarët në lidhje me deklarata të bëra nga Organizata e Veteranëve të Luftës të UÇK-së e cila në një numër rastesh është përfshirë në aktivitete që unë besoj se kanë për qëllim të minojnë administrimin në mënyrën e duhur të drejtësisë.