Zotimi i Haradinajt për ndërtimin e Autostradës së Dukagjinit
18.8.2019 - 13:57
Kryetari i AAK-së, Ramush Haradinaj është zotuar se do të ndërtojë Autostradën e shumëkritikuar të Dukagjinit.
Kjo Autostradë është thënë se ka një kosto prej 1 miliard euro bashkë me shpronësimet.
Në kohën kur jemi pranë shpërndarjes së Kuvendit dhe caktimin e datës së zgjedhjeve, Haradinaj e ka rikthyer edhe njëherë debatin për Autostradën e Dukagjinit.
E për të forcuar argumentin, ai e ka cituar Sali Berishën.
“Kur pat ardhë Sali Berisha në Kosovë para disa vjetëve, më pat thanë: “S’kam me lanë gur pa lëvizë, nëse është nevoja dhe kurrë nuk e lá pa e ndërtu Rrugën e Kombit”, ka shkruar Haradinaj. “Edhe unë po ju them Dukagjin, Kurrë nuk e lá pa e ndërtu Autostradën e Dukagjinit”, ka vazhduar postimi i tij.
