Zjarrfikësit në Mitrovicën e Jugut shuajnë zjarret fushore në tri fshatra

Zona të caktuara në fshatrat Vaganicë, Kutllovc dhe Suhodoll janë përfshirë nga zjarri, sot më 06.09.2024.

Kështu ka konfirmuar për KALLXO.com Gëzim Mehmeti, komandant i zjarrfikësve për rajonin e Mitrovicës së Jugut, i cili potencoi se “dikush po i ndez ato qëllimisht”.

“Në Vaganicë ka pasë zjarr, e kemi ndalë. Në tjetrën anë (në Vaganicë) na e ndezi dikush me qëllim. Shkuam e ndalëm dhe lajmëruam policinë. Fillimisht kishte zjarr edhe Kutllovc, e edhe aty ndalëm. Por, edhe në Suhodoll kishte zjarr sot” ka thënë Mehmeti për KALLXO.com

Ai shoi se para dy ditësh zjarr kishte edhe në fshatin Vidishiq ku zjarrfikësit intervenuan për ta shuar.